Një banor i komunës Dardhas ka dëshmuar për News 24 ngjarjen e shpërthimit të bombolës në një lokal në fshatin Beragozht të komunës Dardhas, duke e cilësuar atë një katastrofë të vërtetë.
Banori ka qënë duke transportuar personat e plagosur që sipas tij janë tërësisht të djegur, në gradën më të fundit.
Për rrjedhojë, mjekët e spitalit të Pogradecit kanë thënë se mund të transportohen në Tiranë, sipas asaj që raporton banori.
Ai thotë se kanë mbërritur dy autoambulanca por e kanë të vështirë të hyjnë në fshat për shkak të distancës së largët. Të plagosurit po tranportohen nga banorët e tjerë.
Lokali ishte i mbushur me klientë të shumtë, pjesa më e madhe e të cilëve, djem të rinj.
