Kryetari i partisë Demokratike Lulzim basha ka vizituar në Qendrën Spitalore Universitare “Nënë Tereza”, 4 të plagosurit nga shpërthimi në rafinerinë e naftës në Ballsh. Basha tha se do të shkonte edhe në Mallakastër e Fier ku ndodhen edhe të plagosurit e tjerë. Lideri demokrat ishte i pari nga politikanët që vizitoi të plagosurit dhe foli për gjendjen e tyre. Ai akuzoi Kryeministrin Rama se e ka braktisur detyrën. Sipas Bashës, ndodhet në avion, shkon jashtë për të hapur ekzpozita dhe ka braktisur naftëtarët ashtu siç braktisi edhe të përmbyturit. Basha më tej tha se është bërë një kërkesë për komision hetimor lidhur me koncensionin e Ballshit, pasi dyshohet se fshihen arefa korruptive.
Basha nga spitali i Djegie-Plastikës në QSUT
Janë dy të plagosur rëndë, në moshë të thyer dhe dy të tjerëve në gjendje pak më të mirë. Është një i vdekur, Shkëlqim Muça, babai i 5 fëmijëve. Dua ti shpreh ngushëllime familjes, dhe shërim të shpejtë të plagosurve këtu në Tiranë dhe atyre në Mallakastër dhe Fier. Dua të falenderoj personelin shendetësor që është kujdesur maksimalisht për ta. Unë personalisht dhe PD-ja do ta ndjekjen në mënyrë të vazhdueshme situatën.
Dje ndodhesha në Mallakstër, disa orë para shpërthimit isha me përfaqësues të PD-së dhe me naftëtarë. Një nga gjërat që diskutuam ishte siguria në punë, statusi i naftëtarit. I sigurova dje nga Ballshi dhe dua ti siguroj edhe tani se do të ndjekim shqetësimet e tyre. Është bërë në mënyrë jo transparente privatizimi i ARMO-s. Uzina 6 muaj qendroi pa ndezur, dhe kur u rihap kemi dyshime se u dha përmes një afere korruptive tek pronari i ri. Kemi bërë kërkesë për komision hetimor për këtë çështje, por ngjarja e mbrëmshme e kthen me forcë zbardhjen e aferës. Keqardhja e madhe për lëndimin e shumë naftëtareve të cilët janë braktisur nga Kryeministri, ashtu siç u braktisën edhe të përmbyturit. Rama udhëton jashtë merr pjesë në ekspozita pikturash, harxhon miliona. /Opinion.al
