Të paktën tre persona humbën jetën si pasojë e shpërthimit në urën Kerç mëngjesin e kësaj të shtune, njofton Komitetit Hetues të Rusisë.
Në një deklaratë në “Telegram”, Komiteti tha: “Sipas informacioneve paraprake, tre persona kanë humbur jetën si pasojë e incidentit. Dyshohet se këta janë pasagjerët e një makine që ndodhej pranë kamionit të hedhur në erë.Aktualisht, trupat e dy viktimave janë nxjerrë nga uji. Trupat i përkasin një burri dhe një gruaje, ndërsa identitetet e tyre janë duke u përcaktuar.”
Rusia bëri me dije se pjesa hekurudhore e urës, ku cisternat e naftës shpërthyen do të rihapen këtë mbrëmje.
Kalimi u hap në vitin 2018 dhe ishte një simbol i aneksimit të paligjshëm të Rusisë.
Një këshilltar i presidentit të Ukrainës, Volodymyr Zelensky, Mykhailo Podolyak, nuk pretendoi drejtpërdrejt përgjegjësinë e Ukrainës, por shkroi: “Krimeja, ura, fillimi.
“Çdo gjë e paligjshme duhet të shkatërrohet, gjithçka e vjedhur duhet të kthehet në Ukrainë, gjithçka e pushtuar nga Rusia duhet të dëbohet”.
Ministria e Mbrojtjes e Ukrainës e krahasoi shpërthimin e urës me fundosjen e kryqëzorit të raketave të Rusisë Moskva në prill.
“Dy simbole famëkeqe të fuqisë ruse në Krimenë ukrainase janë rrëzuar”, shkruhej në Tëitter. “Çfarë është më pas në radhë?”/Opinion.al
Kujtojmë se, ngjarja ndodhi rreth orës 6 të mëngjesit të ditës së sotme. Ura Kerç ishte e vetmja që lidhte Krimenë me Rusinë. Ishte hapur në vitin 2018 dhe cilësohej një simbol i aneksimit të paligjshëm të Rusisë./Opinion.al
