Ministri i Brendshëm, Taulant Balla ka vizituar në spitalin e Lushnjës të plagosurit që po marrin ndihmën mjekësore pas shpërthimit të fuqishëm në kapanonin pranë fabrikës ku punonin.
Më herët, në spitalin e Lushnjës iu nënshtrua një operacioni deputeti Bujar Çela i cili më pas është transportuar drejt Tiranës për ndihmë më të specializuar, por jashtë rrezikut për jetën.
Ndërsa ka ky shpërthim kanë humbur jetën babë e bir, të cilët ndodheshin në vinç kur aksidentalisht kanë prekur linjën e tensionit të lartë.
Ngjarja ndodhi rreth orës 16:05 në vendin e quajtur “Rrethrrotullimi i Plasmasit”, në një kapanon në ndërtim. Dyshohet se gjatë punës, vinçieri duke drejtuar vinçin, aksidentalisht ka prekur linjën e tensionit të lartë dhe për rrjedhojë ka ndodhur shpërthimi i fuqishëm.
