Një sasi tritoli është vendosur në orët e para të mëngjesit të sotëm në hyrje të një lokali nate tek Bulevardi Zog i Parë në Tiranë. Policia njofton se nga shpërthimi nuk ka pasur persona të lënduar, por vetëm dëme materiale.
Mësohet se lokali ku ndodhi shpërthimi është në pronës të shtetasit të identifikuar me inicialet P.F. Ndërkohë, policia po heton për zbardhjen e plotë të rrethanave të ngjarjes, si dhe për kapjen e autorit.
Njoftimi i policisë
Më datë 01.12.2019, rreth orës 03:40, në Bulevardin Zog i Parë, në afërsi të lokalit me pronësi të shtetasit P.F, ka shpërthyer një sasi e vogël lënde e dyshuar plasëse, ku në momentin e shpërthimit nuk ka pasur pasoja në njerëz por veç dëme materiale. Grupi hetimor po vijon punën për zbardhjen e rrethaneve të ngjarjes, identifikimin dhe kapjen e autorit./ Opinion.al
