Një shpërthim tritoli ka ndodhur në lagjen “Qafë Hardhi” në Shkodër gjatë orëve të para të mëngjesit të sotëm . Ngjarja është regjistruar rreth orës 2 e 30 në banesën e ish- basketbollistit të Vllaznisë Nikolin Arra.
Nga shpërthimi nuk ka pasur persona të lënduar, pasi, Nikolin Arra dhe familja e tij ndodhen në SHBA dhe Irlandë. Po ashtu, Nikolin Arra ka punuar edhe si inspektor në Drejtorinë Rajonale të Tatim Taksave.
Rreth 4 vjet me pare ai është arrestuar gjatë operacionit ‘Evazioni’ për mosmarrje të masave të duhura administrative ndaj subjekteve tregtare që ushtronin aktivitet tregtar në kundërshtim me ligjet tatimore./ Opinion.al
