Policia në Qipro tha të shtunën se arrestoi katër persona të dyshuar për një shpërthim të ndodhur pranë Ambasadës izraelite në Nikosia, Qipro.
Policia tha se të katër të arrestuarit, të moshave nga 17 deri në 21 vjeç, përballen me akuza për tentativë shkatërrimi të pronës duke përdorur eksploziv, posedim dhe përdorim të eksplozivëve dhe posedim të një thike.
Policia nuk tha nëse bombardimi rreth 30 metra nga Ambasada izraelite ishte i lidhur me luftën në Gaza. Siguria është rritur në të gjithë Bashkimin Evropian pas sulmit të Hamasit ndaj Izraelit më 7 tetor dhe armiqësive që pasuan.
Të dyshuarit do të dalin përpara një gjykate më vonë të shtunën për një seancë dëgjimore për të vendosur kohëzgjatjen e paraburgimit të tyre derisa hetuesit të ngrenë zyrtarisht akuza kundër tyre ose ata do të lirohen.
