Një shpërthim ka ndodhur sot në një apartament, në një zonë banimi në qendër të Malmo-s, Suedi, njoftojnë mediat lokale duke cituar policinë.
Shërbimet e urgjencës dhe policia janë në vendin e ngjarjes dhe zona është rrethuar.
“Ka pasur një shpërthim në një prej apartamenteve,” konfiromoi për gazetarët zëdhënësi i policisë Anna Göransson, duke shtuar se shkaku i shpërthimit është duke u hetuar.
Sipas raportimeve fillestare të marra nga policia rreth 10 sipas orës lokale, shpërthimi ka ndodhur në ambientet të mbyllura në një zone përreth Trelleborg Road, raporton syri.net.
Dritaret raportohet se u shkatërruan nga shpërthimi. Aktualisht është e paqartë nëse ka njerëz ishin brenda banesës, tha policia. Ndërtesa nuk është evakuuar.
Ekspertët e bombave janë në vendin e ngjarjes, raporton gazeta suedeze “Expressen”.
Policia u ka kërkuar njerëzve në zonë të qëndrojnë në ambiente të mbyllura.
