Një shpërthim ka ndodhur para pak minutash në një pikë karburanti në Tiranë, ku si pasojë kanë mbetur të lënduar dy persona.
Sipas informacioneve mësohet se ka shpërthyer një autobot i cili furnizonte me benzinë karburantin.
Nga shpërthimi i autobotit kanë mbetur të lënduar shoferi dhe menaxheri i karburantit, të cilët janë jashtë rrezikut për jetën.
Dy të lënduarit janë identifikuar si shtetasit Myrto Kadiu, shoferi i autobotit dhe Miklovan Çollaku, menaxheri i karburantit.
“Më datë 04.11.2023, rreth orës 13:30, në Rrugën Bardhyl, gjatë kohës që ka qenë duke u funizuar një karburant me benzinë, nga një autobot, ka ndodhur një shpërthim.
Si pasojë është dëmtuar shtetasi M. Ç., (menaxher) dhe shtetasi M. K. (shoferi i autobotit), të cilët janë transportuar në spital dhe ndodhen nën kujdesin e mjekëve.
Grupi hetimor po punon për sqarimin e rrethanave të ngjarjes.
