Dy persona janë plagosur rëndë dhe 32 të tjerë lënduar gjatë shembjes së disa ndërtesave në Britani, si pasojë e një shpërthimi të fuqishëm gazi.
Një numër i madh familjesh u evakuuan menjëherë dhe më shumë se 100 njerëz u zhvendosën në një kishë aty pranë, raporton “BBC”.
Shërbimet emergjente u njoftuan nga banorët për shkak të një “incidenti” në Wirral, në rreth orës 21:00 , mbrëmjen e të shtunës .
Të plagosurit u dërguan në spitalet e Merseyside dhe Chester dhe North West.
Dan Stephens, zyrtari më i lartë i Shërbimeve të Zjarrit në zonë, tha se shkalla e dëmtimit është e konsiderueshme.
