Makina e avokatit Adriatik Lapaj u përfshi nga flakët teksa ishte në lëvizje e sipër.
Policia bëri me dije se ngjarja ka ndodhur në rrugën “Kuvajt”, në Tiranë. Për fat të mirë incidenti ka shkaktuar vetëm dëme materiale.
Vetë avokati ka reaguar në rrjetet sociale dhe ka thënë se nuk është një ngjarje e qëllimshme.
“Jam top! Nuk ka asgjë të qëllimshme. Si njerëzit që bëhen për spital edhe makinat pësojnë defekt. Asgjë nuk ka qenë e qëllimshme. Thjesht defekt”-shkruan ai.
Njoftimi i policisë
Me datë 25.05.2023, në rrugën “Kuvajt”, ka marrë flakë në lëvizje e sipër dhe është djegur automjeti me drejtues shtetasin A. L., dhe si pasojë e zjarrit ka vetëm dëme materiale. Nga veprimet paraprake dyshohet se zjarri ka rënë si pasojë e një defekti në mjet. Grupi hetimor po punon për përcaktimin e shkaqeve të rënies së zjarrit.
