“Periudha e zënë dhe intensive me ndeshje është vetëm për disa skuadra dhe jo për të gjithë klubet”, kjo është deklarata e Jose Mourinho gjatë konferencës për shtyp në vigjilje të “Boxing Day”, që bëri bujë në këtë periudhë festash. “Nëse analizoni të dhënat, për ata nuk ka asnjë ngjeshje. Duket sikur datat dhe oraret janë përzgjedhur në mënyrë të tillë që të krijohen probleme për disa skuadra, ndërkohë që për disa të tjera që të pushojnë. Gjithsesi ne jemi mësuar tashmë sepse jemi të angazhuar në Europa League, që është një kompeticion që krijon shumë vështirësi”, vijon akuzën e tij të drejtpërdrejtë Jose Mourinho në adresë të shefave të Premier League, në lidhje me atë që sipas tij është subjektiviziëm në përcaktimin e kalendarit të këtij fundviti, duke favorizuar Chelsean.
Në përgjigje të akuzave dhe komenteve të Mourinhosm, “The Telegraph” ka gjeneruar disa grafikë për të ilustruar ngjeshjen relative me të cilën do të përballet çdo klub në dy javët e ardhshme dhe Chelsea duket hapur që ka një kalendar shumë favorit në raport me pjesën tjetër të ekipeve të Premier League, e akoma më shumë ndaj rivalëve direkt si Liverpool e të tjerë. Chelsea ka mesataren më të ulët të totalit të pikëve të ekipeve me të cilat do të përballen dhe kanë gjithashtu një periudhë normale pushimi mes ndeshjesh, krahasuar kjo e pjesën tjetër të ligës.
Sipas Mourinhos, Chelsea po favorizohet, ndërkohë që United po dëmtohet. Sipas Mourinhos, Chelsea po favorizohet, ndërkohë që United po dëmtohet. Sipas grafikëve të publikuar nga “The Telegraph” duket qartë që ekipi më i penalizuar është Southampton, me ngjeshjen maksimale të kalendarit, duke patur kështu pushimin më të shkurtër mes tre ndeshjeve të ardhshme, ndërkohë që Stoke do të përballet me kundërshtarët më të fortë, teksa do të ketë përballë Liverpool, Chelsea, dhe Watford. Ndërkohë, Chelsea e ka tërësisht të lehtë, me numrin më të madh të ditëve pushim mes ndeshjesh, duke patur gjithashtu shumë pak kilometra për të përshkruar mes qytetesh, me dy ndeshje në shtëpi dhe një udhëtim brenda Londrës, në përballjen ndaj Tottenham. “Ne e dimë këtë gjë, Southampton e di gjithashtu, Tottenham do ta mësoj më vonë. Është shumë e vështirë për ne, por gjithsesi është pak a shumë e njëjta gjë”, përfundoi Mourinho.
