Ministri i Mjedisit, Lefter Koka ka deklaruar se tensionet në koalicionin PS-LSI vijnë si burim i mosmbajtjes së premtimeve nga aleatët e LSI-së.
Ministri Koka, i ftuar në studion e “Ora Neës”, i është referuar situatës në Durrës, i cili theksoi se strukturat e larta të PS-së trajtojnë si kundërshtar LSI-në dhe jo PD-në.
Ai lëshoi akuza të forta për policinë e shtetit në Durrës, duke vënë në dukje se ajo është përfshirë në këtë lojë “të fortësh” ndaj LSI-së.
Por Koka nuk i ka kursyer kundërshtarët e tij, teksa ka paralajmëruar se “sot nuk ka të fortë por njëkohësisht loja që ka nisur do të marrë përgjigjen e duhur”.
“Kjo mund të funksionojë me Oerd Bylykbashin por nuk funksionon me Lefter Koken dhe Ilir Meten. Ndaj do ti beja thirrje policise të mos ikë në drejtim të paditur”.-tha Koka.
