Një shpërthim kamikaz ka ndodhur në një xhami të kryeqytetit të Afganistanit. Sulmi ndodhi në Kabul gjatë namazit të së premtes.
Pas shpërthimit vetëvrasës, dëshmitarët thonë se disa persona të armatosur sulmuan me armë besimtarët që ndodheshin në xhami.
Mediat lokale raportojnë se dyshohet që disa persona të kenë vdekur dhe shumë të tjerë kanë mbetur të plagosur. Forca të shumta policie rrethuan xhaminë që u sulmua me armë dhe eksploziv.
Në vendngjarje ndodhen edhe ambulanca për të transportuar të plagosurit drejt spitalit. Asnjë grup terrorist nuk ka marrë ende përsipër sulmin. /tvklan.al
