Tre persona kanë mbetur të plagosur në Sarandë ditën e sotme, pas shpërthimit të një bombole gazi. Ngjarja ka ndodhur në një lokal, ku si pasojë e shpërthimit të tubit të bombolës, kanë pësuar djegie të pjesshme në trup tyre tre shtetase.
Të plagosura kanë mbetur shtetaset Dh.M, 43 vjeç, pronare e lokalit; 19-vjeccarja me inicialet M.B, punonjëse e lokalit.
Nga shpërthimi është dëmtuar edhe pushuesja me inicialet 19 vjeç.
“Shërbimet e Policisë kanë konstatuar se ngjarja ka ndodhur në plazhin e quajtur “Pulëbardha” Ksamil, ku në lokalin veror në pronësi të shtetases Dh.M., dyshohet se është çarë dhe ka shpërthyer tubi i bombolës së gazit dhe për pasojë u ka shkaktuar dëmtime të lehta 3 shtetaseve të mësipërme”, thuhet në njoftimin e policisë.
Shtetaset e dëmtuara ndodhen jashtë rrezikut për jetën, por janë nisur drejt Tiranës për mjekim më të specializuar.
Policia po kryen veprimet e mëtejshme procedurale në lidhje me ngjarjen.
SHPËRTHIMI I BOMBOLËS NË LOKALIN NË KSAMIL, ISHTI I VENDOS GJOBË
Pas ngjarjes së ndodhur pasditen e sotme në një lokal në Ksamil, ku nga shpërthimi një bombole gaze mbetën të plagosur tre persona, ISHTI ka ushtruar kontroll dhe i ka vendosur gjobë subjektit. Sipas ISHTI u vendos gjobë prej 500 mijë lekë të reja ndaj subjektit, si dhe është depozituar kallëzim penal për pronaren e lokalit.
“Pas shpërthimit të bombolës së gazit inspektorët shkuan në vendngjarje. Bombolat ndodheshin 1 m larg nga vatra e zjarrit, pra instalimi i bombolave në kundërshtim me rregullat. Në restorant ishin edhe 4 bombola të pakolauduara. Nga shpërthimi i bombolës janë dëmtuar dy persona, dhe nuk raportohen dëme materiale”, thuhet në njoftimin e ISHTI./BW
