Edhe pse kanë mbetur pak ditë nga fillimi i vitit të ri shkollor, shpërndarja e librave ende nuk ka përfunduar. Në Shkodër, prindërit qëndrojnë në radhë për orë të tëra gjatë ditës.
Nga 130 shkolla nën administrimin e Drejtorisë Arsimore të Shkodrës, ku përfshihen shkollat e Bashkisë Shkodër dhe Vaut të Dejës ka vetëm dy distributorë dhe gjithësej 4 pika shitjesh, të cilat ndodhen në qytet.
Në Laç, situata paraqitet më kaos..
Aty mungojnë tekstet shkollore dhe radhët janë të pashmangshme.
Edhe në rrethe të tjera të vendit, situata vazhdon e njëjtë. Pak ditë më parë, Ministrja e Arsimit, Lindita Nikolla pranoi se procesi i shpërndarjes ka nevojë për përmirësime.
Tv Klan
