Një 50-vjeçar shqiptar, i cili prej kohësh ishte nën vëzhgimin e hetuesve pasi dyshohej se drejtonte një rrjet të trafikut të drogës, është arrestuar në flagrancë nga karabinierët e Massa Carrara.
Policia italiane bën me dije se ka arrestuar në flagrancë shtetasin P.Y. 50-vjeç me origjinë shqiptare.
Burri kishte kohë që ishte nën ndjekje të hetuesve pasi dyshohej se drejtonte një biznes të trafikut të drogës, veçanërisht kokainës.
Ditën e arrestimit, shqiptari përdori një Fiat Panda të marrë me qira, për të mos rënë në sy të policisë. Në makinën e vogël, shqiptari kryente “dërgesa” në shtëpi, duke shkuar në banesat e klientëve ku perfeksiononte furnizimet me kokainë.
Gjatë aktivitetit, që nisi në orët e para të mëngjesit, forcat policore e vëzhguan pikërisht teksa i jepte një dozë kokaine njërit prej blerësve të shumtë.
Duke qenë të sigurt për trafikun e drogës, karabinierët e njësisë hetimore kanë arrestuar në flagrancë 50-vjeçarin dhe kanë kontrolluar fillimisht Fiat Panda, ku gjetën të fshehura nëntë doza kokainë dhe 120 euro cash, të cilat konsideroheshin si të ardhura të veprimtarisë së paligjshme.
Gjatë kontrollit të bërë në shtëpinë e tij, ku përveç materialit për ambalazhimin e dozave janë gjetur edhe rreth 4 mijë euro./Opinion.al
