118 doza kokainë janë sekuestruar nga policia e Shkodrës. Në pranga është vënë shpërndarësi i lëndës narkotike, Blerim Harusha, 26 vjeç, banues në lagjen “Ajasem” Shkodër.
Policia njoftoi se “arrestimi i shtetasit të lartëpërmendur u bë pasi në vendin e quajtur “Pedonale” në lagjen “Vasil Shanto”, gjatë kontrollit fizik të ushtruar nga Policia iu gjetën dhe u sekuestruan në cilësinë e provës materiale 4 doza lëndë narkotike e dyshuar Kokainë”.
Gjithashtu gjatë kontrollit të ushtruar në banesë, 26 vjeçarit iu gjetën dhe u sekuestruan në cilësinë e provës materiale 114 doza të tjera të lendës narkotike e dyshuar Kokainë.
Gjithashtu u sekuestruan në cilësinë e provës materiale edhe 9 telefona celularë dhe disa kartëmonedha me vlera të ndryshme.
Materialet do ti kalojnë Prokurorisë së Rrethit Gjyqësor Shkodër për veprën “Prodhimi dhe shitja e narkotikëve” parashikuar nga neni 283 i Kodit Penal. /Opinion.al
Foto: Kokaina dhe celularet e sekuestruar nga policia
