Kreu i KQZ, Ilirian Celibashi, në një konferencë për median të mbajtur këtë të hënë, është pyetur nga gazetarët nëse PS ka shkelur kodin zgjedhor duke premtuar rritje page para fushatës, si dhe shpenzimin e buxhetit zgjedhor për fushatën ta shpenëzojë për mbjellje pemësh.
Celibashi tha se me rendësi është që partitë të marrin financimet që kërkojnë për fushatën, mënyra e shpenzimit është çështje e ligjit dhe ka parashikime që duhet të zbatohen.
“Nuk mund të them gjë në këtë moment, por me rendësi është partitë të marrin financimet që kërkojnë për fushatën, mënyra e shpenzimit është çështje e ligjit dhe ka parashikime që duhet të zbatohen. Kur të jetë rasti për ta vlerësuar rastin për shpenzimin e këtyre parave, do të kemi një njoftim”, tha Celibashi.
Sakaq, për vendimin për rritje pagash pak para zgjedhjeve, ai tha se vlerësimi bëhet në përputhje me Kodin Zgjedhor.
“Nuk kam çfarë t’i shtoj qëndrimit që kam mbajtur më parë lidhur me këtë çështje. Secili mund të ketë komentet e veta në pikëvështrime të ndryshme të këtyre akteve, por ajo çfarë në cilësinë e komisionerit do duhet të vlerësoj, është përputhshmëria në raport me kodin zgjedhor, dhe kemi vlerësuar që ato parashikime ndaluese janë për zgjedhjet e kuvendit të Shqipërisë. Unë e kam një opinion, por as nuk do zgjidhte dhe as do ndihmonte, dhe ju jeni më të zotë se unë për ta bërë kështu që ndehuni lirshëm për ta bërë”, tha ai.
