Tre persona kanë rënë në prangat e policisë, lidhur me shpërthimin e një sasie tritoli në një lokal në Kamzë.
Mësohet se një nga të arrestuarit është edhe ish-oficeri i operacionales Jeton Lami, i cili më parë ka qenë i arrestuar për shpërdorim detyre, pasi akuzohej se shoqëronte Ervis Martinajn para se ai të zhdukej.
Në pranga përfunduan edhe shtetasit Florin Domi dhe Flogert Mezhika, ndërsa u shpall në kërkim Ervis Lami, 31 vjeç, person me rekorde të theksuara kriminale.
Në janar të këtij viti, në banesën e tij u gjet automatiku me silenciator, ndërsa Ervis Lami u shpall atëherë në kërkim, gjatë kontrolleve për kapjen e autorëve të vrasjes së Lulzim Vishës në Kamëz.
Tre të arrestuarit, të cilët dyshohet se kanë lidhje me tritolin, janë gjithashtu pjesë e një grupi të dyshuar për gjobvënie. Nga ana tjetër, mendohet se edhe dy kunetërit të cilëve iu vendos tritoli, kanë qenë pjesë e grupit të gjobëvënies.
