Teksa brenda dyerve të Parlamentit ka nisur seanca plenare e së enjtes, artistët dhe shoqëria civile po protestojnë jashtë tij. Sot pritet që Parlamenti të shqyrtojë dekretin e Presidentit Meta, për ligjin e teatrit.
Protesta e shoqërisë civile ka nisur me marshimin e protestuesve përpara kryeministrisë, ku më pas janë zhvendosur drejt parlamentit, ku ndodhen aktualisht. Me banderolat “mbroteatrin” dhe me megafonë nëpër duar, kanë mbajtur edhe fjalime të shkurtra duke bërë thirrje.
Protestat për teatrin kanë nisur që në muajin korrik, ndërsa siç paralajmëruan artistët do të vijojnë deri në fund. I pranishëm në protestë është edhe ambientalisti Sazan Guri, i cili ka mbajtur edhe një fjalim.
