Ata ishin pa diskutim çifti më i përfolur turk kur ishin të martuar, teksa edhe pse kanë kaluar 13 vite që prej divorcit, media rozë mbetet ende shumë e interesuar për marrëdhënien e tyre.
Hulya Avsar, e cila në Shqipëri njihet për rolin e Sulltaneshë Safies në serialin “Sulltanesha Kosem”, prej dekadash është një ndër aktoret më të përfolura turke, ndërsa ish-bashkëshorti i saj Kaya Çilingiroglu, notar shumë i njohur i ekipit kombëtar turk.
Ata u martuan në vitin 1997 dhe u divorcuan në vitin 2005, por “bashkë” i mban fryti i dashurisë së tyre, vajza 20-vjeçare Zehra.
Pas divorcit nga Kaya, ajo nuk ka krijuar lidhje të qëndrueshme dhe publike me asnjë burrë tjetër. Dhe ish-bashkëshorti mendon se kjo nuk do të ndodhë, pasi të jesh bashkëshort i Hulyas nuk është aspak e lehtë.
“Hurriyet” raporton se duke iu rikthyer kujtimeve, Kaya, gjatë një interviste tha se gjysma e shokëve të tij ishin përpjekur ta joshnin Hulyan pas divorcit të tyre, por megjithëse shumë njerëz të respektuar përgjigjja e saj kishte qenë prerazi refuzuese.
Në intervistë, Kaya foli edhe për filmin e fundit të Hulyas, “Selfie”, për kopertinën prezantuese të të cilit ish-bashkëshortja e tij ishte zhveshur nudo.
“Sigurisht që edhe mund të zhvishet për të tërhequr vëmendjen. Nuk ka asgjë të keqe këtu. Por unë nuk e kam parë fare si nudo atë koopertinë. Gjithçka bën ajo, bën të duhurën.”/tvklan.al
