Duket se i ndjeri Shkëlzen Qordja nuk ka qenë një punonjës i thjeshtë i Gardës së Republikës.A i është marrë vetë nga ministri si shofer i tij. Kështu të paktën lë të kuptohet Fatmir Xhafaj në një letër ngushëllimi publike.
Kjo ngjarje e rëndë ka shkaktuar një dhimbje të fortë njerëzore për mua dhe për të gjithë ata që punuan dhe e njohën nga afër atë. Kam humbur krejt papritur një njeri të afërt, i cili si dhe gjithë familja e tij, ishte bërë si pjesë e familjes sime”, shkruan ndër të tjera Fatmir Xhafaj.
Sakaq në media janë zbardhur detaje për vdekjen e mistershme. Në fillim u dyshua për vrasje, por ishte Policia e Shtetit ajo që deklaroi se 31 vjeçari Shkëlzen Qordja ka vrarë veten me 3 plumba në garazhin e makinave të Gardës. Shkëlzen Qordja dhe vëllai i tij Ermali, banojnë në zonën e ‘Qytetit Studenti’ në Tiranë. Prej kohësh ata punonin si shoferë dhe shoqërues të Fatmir Xhafajt, përpara se ky i fundit të bëhej Ministër i Brendshëm.
Flitet për një lidhje të afërt familjare mes tyre dhe Fatmir Xhafajt, si dhe PS-së, shumë kohë më parë.
Mësohet se Ermali, vëllai i tij, pak kohë më parë kishte ndërruar vendin e punës si shoqërues i Xhafës, ndërsa Shkëlzeni vijonte akoma, shkruan Lapsi.al. Përpara se Shkëlzen Qordja të bëhej shoferi i Fatmir Xhafës, ai ka qenë shofer i Ëngjëll Agaçit, sekretarit të përgjithshëm të Kryeministrisë. Ndërkohë që ai iku nga Ëngjëll Agaçi për te Xhafa, në vend të tij shkoi vëllai, Ermal Qordja.
