Një aksident është regjistruar mbrëmjen e sotme në Berat. Mësohet se një makinë ka përplasur në një 70-vjeçar teksa ishte duke lëvizur me biçikletë në vijat e bardha të rrugës.
Makina që shkaktoi aksidentin drejtohej nga një 18-vjeçar. Pas përplasjes, i moshuari Muharrem Kadëna, është transportuar me ambulancë drejt Spitalit Rajonal Berat.
Pasi mori ndihmën e parë në spitalin e Beratit, i plagosuri është transportuar me urgjencë drejt Spitalit të Traumës në Tiranë, pasi gjendja e tij është kritike pasi ka pësuar hemorragji të brendshme.
Në vendngjarje kanë shkuar forca të shumta policie, që po kryejnë veprimet në vendngjarje, ndërkohë që është shoqëruar në polici drejtuesi i mjetit.
