Gazetari Armand Shkullaku ka folur gjatë për kushtet ku gjendet media sot në Shqipëri. Ai ka folur edhe për largimin e tij nga ABC NEWS dhe mediat e pavarura, ku ka veçuar Opinion-in, duke e cilësuar si media më vete edhe pse është emision i tv Klan-it.
Sipas tij, kapia e mediave ndodh pasi pjesa më e të ardhurave gjenerohen nga buxheti i punëve publike, tendera,etj. “Pra sa më i madh oreksi i botuesve për tendera aq më e vogël linja e pavarur editoriale”, tha Shkullaku.
Ai tha se ka drejtuar për 4 vite televizionin ABC NEWS duke sjellë një qasje të re për formatet informative. Ai tregoi se pronari Aleksander Frangaj tani ka vendosur ta drejtojë vetë këtë TV nga ana menaxheriale dhe editoriale. “Unë do të vazhdoj të qendroj në grupin mediatik të Klan-it”, tha ai, por nuk do të ndërhyj në linjën editoriale.
I pyetur se kush është TV me audiencën më të madhe në vend, ai tha se vazhdon të mbetet Klan-i. Shkullaku ka veçuar emisionin ‘Opinion’. Sipas tij, Blendi Fevziu e ruan pavarësinë . “Opinioni tani është patentë, ka eksperiencë 20 vjeçare, pra është një media më vete”, u shpreh Shkullaku.
*Më poshtë intervista e plotë e Shkullakut për emisionin Komiteti të Berat Buzhalës në Kosovë, ku ka folur për median dhe politikën.
