Një automjet është përfshirë nga flakët në orët e para të ditës së sotme në lagjen “5 Maji” në Elbasan.
Policia bën me dije se automjeti ishte i parkuar në parkimin e një pallati. Flakët kanë përfshirë dhe dy makina të tjera të parkuara aty pranë.
Grupi hetimor po punon për zbardhjen e ngjarjes.
“Më datë 24.02.2023, rreth orës 03:00, në lagjen “5 Maji”, ka rënë zjarr dhe është djegur automjeti tip “Benz”, në pronësi të shtetasit D. T., banues në Elbasan, i cili ka qenë i parkuar në parkimin e pallatit. Si pasojë e flakëve të zjarrit, janë dëmtuar lehte edhe 2 mjete të tjera, të parkuara aty pranë. Grupit hetimor po punon për zbardhjen e rrethanave të ngjarjes dhe përcaktimin e shkaqeve të zjarrit”, thuhet në njoftimin zyrtar të policisë.
