Duket se sakrifica e tij e rrezikimit dhe kapërcimit të deteve është shpërblyer. Fituesi i lotarisë së përvitshme spanjolle, e cila organizohet në prag të Krishtlindjeve është një refugjat, i cili ka arritur të fitojë plot 400 mijë euro, bën me dije BBC.
Ngagne nga Senegali dhe bashkëshortja e tij thanë se shpesh ata nuk kishin as 5 euro për të shtyrë ditën, ndërsa kishin mbërritur në Spanjë me anë të një skafi, i cili u shpëtua nga autoritetet spanjolle, teksa ishte duke u mbytur.
“Ishim 65 persona në skaf. Dua të falënderoj spanjollët dhe qeverinë që më shpëtuan kur isha në det”.
Aktualisht Ngagne punon si mbledhës perimesh në një serrë.
