Një 28-vjeçare dhe nëna e saj janë arrestuar për mashtrim dhe falsifikim dokumentesh në Lousiana të Amerikës.
28-vjeçarja Marta Gutierres-Serrano, nga dëshira e madhe për të mësuar Anglisht u hoq si një 17-vjeçare dhe u regjistrua në gjimnaz. E reja përdori një dokument identifikimi të rremë, thanë autoritetet.
Zyra e Sherifit të Famullisë së Shën Charles bëri arrestimet, duke akuzuar 46-vjeçaren Marta Elizeth Serrano-Alvarado dhe vajzën e saj 28-vjeçare Martha Jessenia Gutierrez-Serrano për mashtrim dhe falsifikim dokumentesh.
Agjencia filloi hetimin e grave pasi detektivët u njoftuan më 29 maj nga zyrtarët e shkollave publike të famullisë St. Charles për dyshimin e tyre se një i rritur po shfaqej si student në Hahnville gjatë vitit shkollor 2022-23. Zyra e sherifit nuk tha se sa kohë ndoqi shkollën Gutierrez-Serrano, as nuk shpjegoi një motiv për mashtrimin.
Administratorët e shkollës “filluan një hetim të brendshëm dhe më vonë njoftuan zyrën e sherifit për gjetjet e tyre,” tha SCPSO në një deklaratë.
Agjencia tha se detektivët morën urdhra arresti për gratë pasi përcaktuan se Serrano-Alvarado e kishte regjistruar vajzën e saj në shkollë duke përdorur “një pasaportë të falsifikuar dhe certifikatë lindjeje të falsifikuar”.
Mediat e huaja shkruajnë se në rast se provohet fajësia për akuzën e falsifikimit të dokumenteve, Serrano dhe mamaja e saj mund të përballen me heqje lirie deri në 5 vjet ose do u duhet të paguajnë 5 mijë dollarë.
