Pas suksesit me Tiranën dhe Vlorën, edhe Shkodra synon të futet në listën e “Qytetit Europian të Sportit”.
Kryeqendra e veriut ka aplikuar zyrtarisht për t’u bërë qyteti europian i sportit për vitin 2025. Në konferencwn për shtyp, drejtues të Bashkisë Shkodër dhe Komitetit Olimpik Shqiptar treguan detaje rreth aplikimit, që erdhi si iniciativë e kryebashkiakut Benet Beci.
Me synimin që projekti të shpallet fitues, dosja voluminoze është përgatitur nga specialistët e sportit në Bashkinë Shkodër.
Në dhjetor të këtij viti, dosja e Shkodrës do të shqyrtohet nga një komision i posaçëm në Komisionin Europian, ku do të shpallet edhe fituesi për qytetin e sportit 2025.
