Policia ka dhënë informacion zyrtar lidhur ngjarjen në Shkodër. Babi, Ergys Arrazi ka dhunuar bashkëshorten dhe fëmijët, për këtë arsye dyshohet se vajza 9-vjeçare është vetëmbytur në lumin Buna pranë Darragjatit.
Ndërkohë, e zhdukur rezulton edhe nëna Alma Arrazi bashkë me dy fëmijët e tjerë, një vajzë dhe një djalë. Edhe ata sipas policisë, dyshohet se janë vetëmbytur në lumin Bunë.
Në pranga ka rënë babai Ergys Arrazi, i cili ushtronte dhunë në familje. Bazuar në hetimet e kryera dhe inteligjenca policore, dyshohet se shkaku i largimit nga banesa ishte dhuna e ushtruar nga 31-vjeçari, ndaj bashkëshortes dhe fëmijëve, të cilët dyshohet se mund të kenë kryer vetëvrasje.
Ergys Arrazi, i dënuar më parë për kultivim të bimëve narkotike, akuzohet për veprën penale “Shkaktimi i vetëvrasjes”.
Grupi hetimor ka vijuar hetimet dhe shërbimet e Policisë kanë vijuar kontrollet për gjetjen e 39-vjeçares dhe 3 fëmijëve.
“Gjatë kontrolleve, rreth orës 22:00 të datës 04.05.2024, në ujërat e lumit Buna, në fshatin Darragjat, u gjet trupi i pajetë i vajzës 9-vjeçare, e cila dyshohet se është vetëmbytur si pasojë e dhunës nga babai i saj”,-thotë Policia.
