Një 16-vjeçar është plagosur me thikë këtë të premte në Shkodër. Ngjarja ka ndodhur rreth orës 13:40 në lagjen Salo Halili. I plagosuri është dërguar në Spitalin Rajonal Shkodër dhe ndodhet jashtë rrezikut për jetën.
“Më datë 29.01.2021, rreth orës 13:40, në lagjen Salo Halili, Shkodër është plagosur me një mjet prerës (thikë) shtetasi A. T. 16 vjeç banues në lagjen ‘’Ahmet Haxhija’’, Shkodër, i cili ndodhet në Spitalin Rajonal Shkodër jashtë rrezikut për jetën.
Menjëherë është organizuar puna nga Policia dhe është bërë identifikimi dhe kapja e autorit të dyshuar shtetasit K. L. 18 vjeç banues në lagjen Shirokë, dyshohet që ngjarja ka ndodhur pas një konflikti te çastit”, njofton policia.
Veprimet po kryhen me grup hetimor dhe po punohet për sqarimin e rrethanave të ngjarjes./Opinion.al
