Detaje të reja janë zbardhur për ngjarjen tragjike në Shkodër. Mësohet se Alma Arrazi është hedhur nga ura e lumit Bunë bashkë me 3 fëmijët e mitur.
Disa orë para se të ndërmerrte aktin tragjik, 39-vjeçarja dhe fëmijët kishin dalë me kunatën, pra nusen e vëllait të Erdgys Arrazit. Më pas janë ndarë në mënyrë të qetë pa nxitur dyshime për aktin fatal që do ndërmerrte.
Sipas informacioneve, 39-vjeçarja kishte mësuar se fundmi dhe për tradhti bashkëshortore nga i shoqi. Ndërkohë, motra e 39-vjeçares ka deklaruar gjithashtu se Erdgys Arrazi ka ushtruar dhunë barbarisht ndaj gruas dhe fëmijëve.
Deri më tani është gjetur vetëm trupi i vajzës 9 vjeçe, ndërkohë vijojnë kërkimet për gjetjen e trupit të 39-vjeçares dhe dy fëmijëve të tjerë.
