E denoncoi për vjedhje banese një ditë më parë, por gjeti vdekjen pas 24 orëve. Qyteti i Shkodrës u trondit nga një krim mbrëmjen e kësaj të hënë.
Prendush Fushaj u ther me thikë në portën e shtëpisë së tij, nga Fredi Pllumbi, i cili është shpallur në kërkim nga policia e qytetit të Shkodrës.
Pllumbi sapo u la i lirë nga policia, shkoi dhe sulmoi për vdekje 54-vjeçarin, Fushaj.
Gjithçka ka nisur një ditë më parë, praktikisht ditën e diel. 54 vjeçari Fushaj kishte denoncuar në komisariatin e policisë se i kishin vjedhur banesën. Pas kallëzimit, ai u lirua pasi nuk kishte prova lidhur me denoncimin që kishte bërë Fushaj, por i riu u hakmorr.
Ai ka shkuar tek porta e banesës dhe pas një debati verbal e ka qëlluar Fushajn me thikë në trup, plagët e së cilës i shkaktuan vdekjen.
Policia e Shkodrës ka shpallur në kërkim Pllumbin.
