Shkodër, atentat me armë një të riu, dyshohet për gjakmarrje

Atentat me armë zjarri një personi në qytetin e Shkodrës. Ngjarja e rëndë ka ndodhur para pak minutash në qendër të qytetit të Shkodrës, tek Turizmi. Disa persona ende të paidentifikuar kanë qëlluar në drejtim të një mjeti BMW X5, me të cilin udhëtonte shtetasi Donald Bardeli. Mjeti me timon anglez, e ka ndihmuar Bardelin që të mos marrë shumë plumba. Gazetari Mirsad Rrakaj bën me dije se ai ka mundur ta manovrojë mjetin, ka zbritur prej tij dhe ka ecur për 100 metra në këmbë deri tek një lokal aty pranë ku ka kërkuar ndihmë. Dyshohet se ngjarja mund të ketë ndodhur për gjakmarrje, pasi xhaxhai i të plagosurit vite më parë ka kryer një vrasje. Policia sakaq ka shkuar në vendngjarje duke e transportuar Bardelin në spital si dhe ka nisur hetimet për identifikimin e autorëve .(BalkanWeb)