Fizikani i njohur Stephen Hawking ka bërë një tjetër deklaratë të fortë mbi të ardhmen e tokës dhe fundin e saj. Ai është shprehur se në më pak se 600 vjet toka do të kthehet në një top të zjarrtë. Ai ka shtuar se nëse ne nuk e lëmë tokën shumë shpejt, mbipopullimi do të rrisë konsumin e energjisë dhe shumë shpejt do të na vrasë.
Por Hawking e ka një plan. Në fjalën e tij në”Tencent WE Summit” në Pekin, Hawking u bëri thirrje investitorëve të marrin në konsideratë idenë e tij për të udhëtuar drejt Alpha Centauri. Në një distancë rreth 4 vite dritë larg, ai është sistemi yjor më i afërt me ne.
Plani i Haëking është të përdorë një sistem të anijeve kozmike që mund të udhëtojnë me shpejtësinë e dritës dhe që mund të arrijnë në Mars në më pak se 1 orë apo në Pluton për disa ditë. Në sistemin e sugjeruar nga shkencëtari në Alpha Centauri këto anije mund të arrijnë për 20 vjet.
“Nëse gjithçka shkon mirë, pas viteve 2050 ne mund të kemi fotot e para të një planeti tjetër të jetuar”, tha në samit Pete Worden, shef i Qendrës Studimore të NASAS. / Perktheu: Opinion.al
