Edhe pse duket se jeta gjallon në tokë edhe në kushtet më ekstreme, nga i nxehti përvëlues i shkretëtirave tek akujt e ngrirë të Arktikut, apo puset toksikë, shkencëtarët kanë zbuluar një vend në Etiopi, ku sipas analizave më të fundit, nuk ka absolutisht asnjë shenjë jete apo mikroorganizmash.
Dallol në Etiopi është një nga vendet më ekstreme në planet, pasi liqeni është tmerrësisht i nxehtë, me kripë dhe acid. Ai shtrihet përgjatë një krateri vullkanik, i mbushur me gazra toksikë dhe ujë të përvëluar, ku edhe në dimër, temperatura arrin në 45°Celsius.
“Kemi arritur të vërtetojmë se nuk ka asnjë shenjë jete aty, as mikroorganizma”, tha Purificacion Lopez Garcia, autore e studimit dhe biologe në Qendrën Kombëtare Franceze për Kërkime Shkencore në revistën “Nature Ecology & Evolution”, aty ku u publikuan dhe zbulimet.
Sipas shkencëtarëve, pellgjet kanë barriera kimike, si kripërat me magnez, të cilët shpërbëjnë hidrogjenin dhe kur kjo kombinohet me ambientin e nxehtë, kripërat dhe acidet, jetës i jepet goditja fatale.
Studimi do të ndihmojë shkencëtarët të mësojnë më shumë edhe për mundësinë e jetës jashtë planetit tonë.
“Në këto kushte, ose të ngjashme, nuk do të mund të kishte jetë edhe në planetë të tjerë”, tha Lopez Garcia./Opinion.al
