Droga e kapur ditën e djeshme nga policia greke mendohet se i kalon 2 tonë. Mediat e shtetit fqinj japin detaje të reja për aksionin e policisë që bëri të mundur ndalimin e gomones 12 metër të gjatë e nisur nga jugu i Himarës dhe e ngarkuar me lëndë narkotike.
Sipas informacioneve të policisë greke janë arrestuar 6 persona, 4 shqiptarë dhe 2 italianë, ndërsa bëhet me dije se prej disa javësh grupi kriminal që ndiqte itinerarin e lvizjes Shqipëri-Greqi- Itali, ishte duk u vëzhguar.
2 shqiptarë dhe një shtetas italian janë kapur në gomone gjatë aksionit, ndërsa 2 shqiptarë të yjerë dhe një italian janë gjetur në banesat gjatë kontrolleve të ushtruara në qytet.
Policia greke e ka pikasur gomonen teksa kalonte pranë ishullit të Korfuzit dhe e ka ndjekur deri në brigjet e ishullit Tzia në Athinë. Në ishullin Tzia, gomonia është qëlluar me snajper nga policia që e ndiqte me helikopter, ndërsa herë pas herë ka pasur shkëmbim zjarri me trafikantët.
Si pasojë, njëri prej trafikantëve është plagosur.
