Sulmuesi i Kombëtares së Shqipërisë, Shkëlzen Gashi nuk po gjen hapësira te Baseli çka e bën të deryrueshme shitjen e tij në merkaton e janarit.
Interesimi në Itali për Gashin ka qenë tepër i madh, fillimisht Torino dhe Verona ndërsa tani në garë futet edhe Fiorentina për shërbimet e 27vjeçarit.
“Violat” e drejtuar nga ish-trajneri i Gashit tek Baseli, Paolo Sousa po kërkojnë me ngulm sulmuesin kuqezi, raporton fusballinfos.ch
Gashi ka një kontratë që përfundon në vitin 2018 dhe kampionët e Zvicrës po kërkojnë të fitojnë sa më shumë nga shitja e “xhevahirit” të tyre i cili momentalisht vlerësohet 10 milion euro.
Me kalimin tek Fiorentina, Gashi mund të bëjë hapin e madh në karrierë por sigurisht do të gjente dhe një ekip ku do të kishte më shumë mundësi aktivizimi për të qenë gati për Europianin e verës së ardhshme në Francë.
