Eros Grezda, pasi i shënoi gol në kampionat Dinamos së Zagrebit, tashmë i ka bërë për vete kryeqytetasit që kërkojnë ta transferojnë mesfushorin në ekipin e tyre që në merkaton e janarit.
Ky lajm ka nisur të qarkullojë në mediat kroate, ndërsa Dinamo e Zagrebit pritet të lëvizë në merkato, e janë disa lojtarë të tyre që po kërkohen nga skuadra të ndryshme.
Largimi i Sudanit dhe Pjacës, do të vinte në lëvizje klubin kroat për të përfituar shërbimet e Grezdës që në muajin janar, duke bërë që aventura e tij me Lokomotivën e Zagrebit të ndërpritej pas vetëm 6 muajsh.
Grezda, ka spikatur në javët e fundit, duke gjetur 5 herë rrugën e rrjetës në 5 ndeshjet e fundit të kampionatit.
Më parë ai është aktivizuar në kampionatin slloven me skuadrën e Zavërc, ndërsa ka qenë i grumbulluar një herë me Shpresat e Shqipërisë në ndeshjen me Rumaninë, ndërsa lojtari e ka shprehur qartë se dëshiron Shqipërinë pavarësisht ofertës së bërë nga Maqedonia. (Sportal.al)
