Prokuroria e Posaçme ka relatuar para Gjykatës së Posaçme konkluzionet përfundimtare për Sonila Qaton, ish-drejtoreshën e ARRSH-së për shkeljet në tenderin e rrugës Kardhiq-Delvinë.
E akuzuar për “shpërdorim detyre”, SPAK ka kërkuar dënimin e Qatos me 1 vit burgim dhe që për 5 vite të mos ushtrojë asnjë funksion publik.
Gjithashtu, edhe për 9 të pandehurit e tjerë lidhur me këtë dosje, SPAK ka relatuar konkluzionet përfundimtare si më poshtë:
Për Simon Prendin është kërkuar 2 vjet burg dhe për 3 vite të tjera të mos ushtrojë asnjë funksion publik.
Prokuroria ka kërkuar për Elona Gogon 1 vit burg dhe për 5 vite të tjera jashtë funksioneve publike.
Erdit Salillari rrezikon 9 muaj burg dhe 5 vite jashtë funksioneve publike.
Për Admir Pahumin, SPAK ka kërkuar 1 vit burg dhe 3 vite dënim plotësues.
SPAK kërkon dënimin me 8 muaj dhe 3 vite jashtë funksioneve publike për Nikollaq Mihalin.
16 muaj shërbim prove dhe 3 vite jashtë funksioneve publike për Miranda Shkurtin.
Për Arbër Trokën, SPAK ka kërkuar dënimin me 2 vjet burg dhe për 3 vite të mos ushtrojë asnjë funksion publik.
SPAK ka kërkuar 2 vite burgim dhe për 3 vite të tjera jashtë funksioneve publike për Almir Hoxhaj.
Për Arjana Hasanin, SPAK ka kërkuar 4 vite shërbim prove dhe për 5 vite të mos ushtrojë asnjë funksion publik.
Prokuroria e Posaçme ka gjetur elementë të veprës penale ‘shpërdorim detyre’, ‘shkeljes së barazisë në tendera, “falsifikim i dokumentave” dhe “korrupsion pasiv i personave që ushtrojnë funksione publike”.
