Gjykata e Sarandës ka caktuar masën e sigurisë “Arrest në burg” për 36 vjecarin Sotir Çabiri të dyshuar si autor të shpërthimit me eksploziv të hotel “Bizanti” në orët e para të mëngjesit të se hënën.
Cabiri ka mohuar në gjyaktë se është autori i ngjarjes duke u shprehur se ndodhej në hotel për të marë dicka që kishte harruar pasi po atë ditë do te shkonte në Angli, ndaj dhe ishte filmuar duke dalë nga objekti 3 min para shpërthimit. Mëgjithatë Gjykata, edhe pse ende nuk ka prova të plota dhe bindëse për autorësinë, ka caktuar ndaj tij masën e sigurisë Arrest në burg. Cabiri pritet të transferohet drejt Burgut të Bëncës.
Ndërkohë sot në Sarandë kanë mbërritur inspektorë të IKMT së bashku me nje mjet , për të ndihmuar në pastrimin e vendit të ngjarjes ku prej 4 ditësh ndodhen ekspertë anti-eksploziv dhe ata të policisë së Sarandës.
Mësohet se në vendin e ngjarjes është gjetur edhe nje kallëp tritoli i pashpërthyer, ndërkohë qe eskpertët vazhdojnë t’i qëndrojnë mendimit se autori ka përdorur 50 kg për shpërthim.
Sasia më e madhe ishte vendosur në themelet e një depoje ne katin përdhe të hotelit, ndërsa pjesa tjetër nëpër kollona dhe për ketë janë hapur vrima me trapan nga ana e autorit. Hetimet po vazhdojne intensivisht nga policia dhe prokuroria pasi ende nuk është vërtetuar plotësisht nëse autor real është Cabiri dhë nëse në ngjarje kanë vepruar me shumë se një person.
