Një bandë trafikantësh droge i përbërë vetëm me shqiptarë, ka arritur të shkatërrohet nga policia greke. Mësohet se janë arrestuar 6 persona ku mes tyre edhe një femër. Pika e tyre e shitjes ishte qendra e Athinës, por me raste edhe në disa prej ishujve grek.
Gjatë kontrolleve në dy banesa në zonën e Pireut, që shërbenin për magazinimin e drogës, policia gjeti dhe sekuestroi me cilësinë e provës 15,8 kg kanabis, 38 gramë kokainë. Policia zbuloi se një sasi kanabisi ishte përgatitur që të dërgohej në ishullin Lesbos. Gjithashtu janë sekuestruar gjithashtu, dy automjete, një motoçikletë, dy peshore precizioni dhe 13 celularë. Policia thotë gjithashtu se ka vërtetuar 80 raste të trafikimit të drogës nga rrjeti në fjalë.
