Policia e Lezhës shkatërron një bandë hajdutësh prej katër anëtarësh, tre prej tyre minorenë. Banda akuzohet për disa raste të vjedhjeve të automjeteve në këtë qytet. Në pranga kanë përfunduar dy të mitur, ndërsa dy të tjerë janë proceduar penalisht.
Të arrestuarit D. Gj 16 vjeç banues në Mirditë dhe A. P 14 vjeç, banues në Lezhë dyshohen si autorë të vjedhjes dhe më pas braktisjes së mjetit “Citroen”, në pronësi të shtetasit E.Gj. Ngjarja ka ndodhur me 24 shtator 2017.
Ndërkohë shtetasit A.L 17 vjeç, banues në Lezhë dhe E.L 23 vjeç , banues në Kurbin në në bashkëpunim dhe me dy adoleshentët e arrestuar dyshohet të jenë autorë edhe të disa vjedhjeve të tjera. Më konkretisht:
– Më datë 26.05.2017, gjatë natës, në Zejmen, kanë vjedhur me thyerje lokalin “Llotosport”, ne pronesi te shtetasit A.K. ku kanë marrë 7 Televizore, me vlerë 200.000 lekë ( të reja) .
– Më datë 22.08.2017,në Lezhë , kanë vjedhur mjetin kamion në pronësi të shtetasit P.L.
– Më datë 08.09.2017,në Lezhë , gjatë nates, kanë tentuar të vjedhin mjetin Volkswagen në pronësi të shtetasit G. B.
Policia vijon hetimet për sigurimin e provave materiale si dhe dokumentimin e ngjarjeve të tjera që mund të jenë kryer nga këta shtetas.
Materialet proçeduriale do ti dërgohen Prokurorisë së Rrethit Gjyqësor Lezhë për kryerjen e veprës penale “Vjedhje”, e kryer në bashkëpunim’.
