Vllaznia ka emëruar trajner të ri Qatip Osmanin. Ka qenë vetë Klubi Sportiv sot që ka bërë të ditur për sportadashësit emrin e ri të drejtuesit të skuadrës.
“Klubi i Futbollit Vllaznia dëshiron të informojë opinionin publik se trajneri i ri i ekipit të parë të Vllaznisë do të jetë z. Qatip Osmani. Ai vjen te skuadra jonë pas një karriere të suksesshme tek Shkêndija e Tetovës me të cilën ka fituar 5 trofe. Bashkë me të, në stafin e Vllaznisê do të jetë edhe z. Bashkim Ljivoreka që do të ketë detyrën e zëvendêstrajnerit. Mirë se erdhët në familjen kuqeblu profesor Qatipi dhe Bashkimi!”– shkruan klubi i Futbollit.
Kujtojmë se vetëm dhjetë javë zgjati aventura e Migen Memellit në krye të Vllaznisë. Klubi shkodran njoftoi zyrtarisht se për shkak të mungesës së rezultateve, palët kanë gjetur akordin dhe kanë ndarë rrugët. Kështu 43-vjeçari nga Pogradeci u bë trajneri i shtatë në dhjetë ekipet e Superligës që shkarkohet pas dhjetë javësh kampionat.
