Drejtori i Cirkut Kombëtar, Sajmir Çili është shkarkuar nga detyra. Propozimi për shkarkimin e tij ka ardhur nga ministrja e Kulturës, Elva Margariti dhe mban firmën e kryeministrit Rama.
Çili mban postin e drejtuesit të cirkut prej 2 vitesh. Ai është emëruar më 24 Tetor të vitit 2018 pas shkarkimit të ish-drejtorit Kujtim Dumi, i denoncuar për korrupsion.
Kantautori ishte emëruar në këtë detyrë nga ish-zv/kryeministria Senida Mesi ndërkohë që kishte afro dy dekada që punonte në ish-Estradën e Tiranës, që kishte në varësi edhe Cirkun. Ende nuk është komunikuar një emër tjetër që do të pasojë Saimir Çilin në këtë detyrë.
VENDIMI I PLOTË:
VENDIM PËR LIRIMIN NGA DETYRA TË DREJTORIT TЁ CIRKUT KOMBËTAR
Në mbështetje tё pikës 2, të nenit 100, të Kushtetutës, dhe të pikës 4, të nenit 9, të ligjit nr.10352, datë 18.11.2010, “Për artin dhe kulturën”, të ndryshuar, me propozimin e ministrit të Kulturës, Këshilli i Ministrave
V E N D O S I:
Sajmir Çili lirohet nga detyra si drejtor i Cirkut Kombëtar.
Ky vendim hyn në fuqi menjëherë.
KRYEMINISTRI EDI RAMA /Opinion.al
