Mjeku i Urgjencës së QSUT, Illir Allkja ka njoftuar se i është kërkuar të largohet nga puna.
Në një postim në Facebook, ai shkruanDe se kjo është një hakmarrje e Edi Ramës dhe e Skënder Bratajt për faktin se ai denoncoi tre ditë më parë se mjekët e urgjencës po dërgohen të trajtojnë të dyshuarit me koronavirus pa mjetet e nevojshme mbrojtëse.
“Miq sonte më është kërkuar të largohem nga puna pa motivacion! Kerkova të ma jepnin me shkrim!
Hakmarrje e ulet e Edi Rames dhe e Skender Bratajt ne ditët kur Shqipëria ka nevojë më shumë se kurrë për mjekë ! Sonte po qendroj në punë kundër urdhrit , në shërbim të pacientëve ! Ju dua shumë”, shkruan ai në Facebook.
Në një video të mëparshme të publikuar në Facebook, Allkja njoftonte se ishte vetkarantinuar pasi u dërgua pa dijeni dhe pa veshjet përkatëse tek tre pacientë me koronavirus.
Kjo video e tij mori më shumë vëmendje kur u prezantuar nga kreu i PD, Lulzim Basha gjatë një komunikimi me gazetarët ndërsa akuzoi autoritetet se po i shpërdoron mjekët duke i dërguar në “luftë” me koronavirusin pa veshjet e duhura. /Opinion.al
