Ministri serb i Mbrojtjes Bratislav Gasiç u shkarkua nga detyra nga kryeministri Vuçiq pas deklaratës së tij se i pëlqejnë gazetaret të cilat “gjunëzohen shpejt”.
Kryeministri serb Aleksandar Vuçiç ka thënë të hënën se Gasiç nuk mund të mbetet në qeveri, pas komentit të tij ‘’të pamatur’’ për gazetaret.
“Ne kemi nevojë t’i mbrojmë gratë në Serbi. Ishte një mesazh i keq për të gjitha gratë. Një ministër nuk mund të thotë atë”, Vuçiç u tha gazetarëve, duke shtuar se Gasiç është shoku i tij i ngushtë dhe një nga ministrat e tij më të devotshëm.
Gasiç bëri këto komente për Zlatija Laboviç, një gazetare nga TV B92, gjatë vizitës së tij në fabrikën Prva Petoletka Namenska në Terstenik të dielën.
Kur Laboviç u ul poshtë, për të marrë operatorin e kamerës, Gasiç tha: “Unë dua gazetaret femra që bien poshtë në gjunjë e tyre të lehtë”.
Pasi u paralajmërua nga Vuçiç, Gasiq kërkoi falje për veprën që kishte shkaktuar.
“Unë dua të kërkoj falje publikisht ndaj gazetares Zlatija Laboviç dhe publikut serb për shkak të sjelljes sime të turpshme dhe skandaloze. Nuk ka asnjë justifikim për veprimet e mia,” tha Gasiç. (Ekspres)
