Shkaku i vdekjes së Matthew Perry mbetet ende i panjohur dhe është “shtyrë” në pritje të hetimeve të mëtejshme.
LA Times dhe TMZ, të cilat fillimisht raportuan se aktori i Friends kishte vdekur, thanë se Perry u gjet pa reaguar në një vaskë në shtëpinë e tij të shtunën.
Ekspertiza mjeko-ligjore nuk ka dalë ende në konkluzone, pasi autoritetet presin ende rezultatet e testeve toksikologjike. Një zëdhënës i policisë në Los Angeles bëri me dije se në trupin e aktorit nuk janë konstatuar shenja dhune dhe nuk ka dyshime se vdekja mund t’i ketë ndodhur nga faktorë të jashtëm.
Ylli i Friends, i cili vdiq në moshën 54-vjeçare, ishte më i njohur për interpretimin e Chandler Bing-ut të urtë në serialin televiziv jashtëzakonisht të popullarizuar të viteve ’90.
Shfaqja, e cila filste për fatin e gjashtë miqve të rinj që jetonin në New York City, u transmetua nga viti 1994 deri në vitin 2004.
Episodi i tij i fundit u shikua nga 52.5 milionë në SHBA, duke e bërë atë episodin më të ndjekur televiziv të viteve 2000.
Por, ndërsa ishte në kulmin e famës së tij, Perry po luftonte me varësinë ndaj ilaçeve kundër dhimbjeve dhe alkoolit, duke ndjekur kështu klinikat e rehabilitimit në shumë raste.
Në vitin 2016, ai i tha BBC Radio 2 se nuk i kujtohej tre vjet filmime gjatë filmit Friends, për shkak të pijeve dhe drogës./Opinion.al
