Qeveria holandeze është rrëzuar për shkak të mosmarrëveshjeve midis partive të koalicionit mbi politikat e azilit, raportojnë mediat.
Të katër palët nuk arritën të gjenin një marrëveshje në bisedimet e krizës të kryesuara nga kryeministri Mark Rutte.
Qeveria u krijua një vit e gjysmë më parë, por partitë janë diametralisht të kundërta për politikën e migracionit prej disa kohësh.
Zgjedhjet e reja do të mbahen në vjeshtë.
Zyra e zotit Rutte nuk e ka konfirmuar ende shembjen, por tha se ai do të fliste me gazetarët pas mbajtjes së një takimi urgjent të kabinetit.
Partia e tij konservatore VVD ishte përpjekur të kufizonte fluksin e azilkërkuesve, pas një grindjeje vitin e kaluar për qendrat e mbipopulluara të migracionit.
Këtë javë zoti Rutte u përpoq të detyronte një plan që përfshinte një kufi për numrin e të afërmve të refugjatëve të luftës që lejoheshin në Holandë me vetëm 200 persona në muaj.
Por partnerët e vegjël të koalicionit, Unioni i Krishterë, një parti pro-familjes, dhe socialist liberale D66, e kundërshtuan fuqishëm.
Një propozim kompromisi, i njohur si “frena emergjente”, i cili do të shkaktonte kufizime vetëm në rast të një fluksi tepër të lartë emigrantësh, nuk ishte i mjaftueshëm për të shpëtuar qeverinë.
Rutte, është kryeministri më jetëgjatë i vendit dhe ka qenë në detyrë që nga viti 2010. Qeveria aktuale mori detyrën në janar 2022 dhe është koalicioni i tij i katërt.
Ai ka qenë nën presion për migrimin për shkak të rritjes së partive të ekstremit të djathtë si PVV e Geert Wilders./Opinion.al
