Bashkia e Durrësit ka reaguar për përmbytjet e shkaktuara këtë të mërkurë si pasojë e reshjeve të dendura të rëna gjatë paradites.
Në njoftim thuhet se “situata paraqitet e vështirë dhe reshjet kanë përmbytur një numër të konsiderueshëm banesash”.
Ndërkohë, theksohet se që nesër do të verifikohen dëmet. “Në rrugën “Bisht Kamza” në zonën e Durrësit të Ri situata paraqitet e vështirë dhe reshjet kanë përmbytur një numër të konsiderueshëm banesash.
Së bashku me ekipin e emergjencave civile në çdo rrugë e shtëpi për të parë nga afër situatën. Të gjitha ekipet së bashku AKMC po punojnë për largimin e ujit nga banesat.
Që ditën e nesërme grupet e verifikimit të dëmeve do fillojnë punën në terren. Dua të garantoj qytetarët e dëmtuar që do të bëjmë maksimumin për të bërë sa më shpejt vlerësimin e dëmeve në banesa dhe rimbursimin e tyre prej buxhetit të bashkisë”, mbyllet njoftimi i Bashkisë së Durrësit.
